سياسة الاسترجاع والإلغاء
آخر تحديث: أكتوبر 2026
السياسة دي بتوضح إزاي الإلغاء والاسترجاع بيتم لاشتراكات منصة Tourfecto. وهي جزء من شروط الاستخدام.
1. الحساب المجاني والتجربة
تقدر تعمل حساب مجاني وتجرّب المنصة قبل ما تدفع أي حاجة، عشان تتأكد إنها مناسبة لشغلك.
2. إلغاء الاشتراك
- تقدر تلغي اشتراكك في أي وقت من صفحة الاشتراك في حسابك.
- الإلغاء بيمنع التجديد الجاي، والاشتراك بيفضل شغّال لحد آخر المدة اللي دفعتها.
- تقدر ترجّع الاشتراك قبل نهاية المدة لو غيّرت رأيك.
3. الاسترجاع
رسوم الاشتراك بتتدفع مقدمًا عن المدة (شهر أو سنة)، ومش بتسترد بعد بداية المدة، إلا في الحالات دي:
- خصم مكرر أو خطأ في الفاتورة: بنرجّع المبلغ الزيادة بالكامل.
- عطل من ناحيتنا: لو الخدمة وقفت فترة طويلة بسبب مشكلة عندنا، بنعوّضك بمدة إضافية أو استرجاع جزئي حسب الحالة.
- أي حالة القانون بيلزمنا فيها بالاسترجاع.
4. الترقية وتغيير الباقة
لما ترقّي لباقة أعلى، بتدفع فرق السعر بس. ولو نزلت لباقة أقل، التغيير بيبدأ من التجديد الجاي.
5. رصيد المحفظة
الرصيد اللي في محفظتك جوه المنصة بيستخدم في الاشتراكات والخدمات. لو عندك طلب بخصوص رصيد ماستخدمتهوش، كلمنا ونراجعه معاك.
6. مدفوعات عملاءك (حجوزات الرحلات)
الفلوس اللي عملاءك بيدفعوها لحجز رحلاتك (من لينكات الدفع أو موقع الحجز) بتروح لشركتك. استرجاع أو إلغاء حجز رحلة مسؤولية شركة الرحلات حسب سياستها هي، ومش بيخضع للسياسة دي.
7. إزاي تطلب استرجاع
ابعتلنا من صفحة تواصل معنا بالإيميل المسجّل بيه وسبب الطلب، وهنرد عليك خلال 5 أيام عمل. لو الطلب اتقبل، المبلغ بيرجع على نفس طريقة الدفع خلال 5-10 أيام عمل حسب البنك.